“Khulafa-E-Rashideen” Un Char Azeem Sahaba Ko Kehte Hain Jo Rasoolullah ﷺ Ki Wafat Ke Baad Musalmano Ke Pehle Char Khalifah Baney. Ye Woh Muntakhib Hukmaran Thay Jin Ka Dor Hidayat, Insaaf, Taqwa Aur Ilm Ka Roshan Namona Tha. Inhon Ne Sirf Islami Riyasat Ko Mazboot Nahin Banaya, Balki Zindagi Ke Har Pehlu Mein Sunnat-E-Nabawi ﷺ Ko Aam Kiya. Ye Char Khulafa Islam Ki Tareekh Mein “Raashid” Ya’ni Hidayat Yafta Hukmaranon Ke Laqab Se Mashhoor Huwe.

Rasoolullah ﷺ Ne Irshad Farmaya:
“Mere Baad Meri Sunnat Aur Mere Raashid Aur Mahdi Khulafa Ki Sunnat Par Chalo.”
Tirmidhi: Hadees 2676

#	Naam (R.A)	Khilafat Ka Dor	Ahamm Khidmaat	Wafat Ka Saal	Madfoon Kahan
1	Hazrat Abu Bakr As-Siddiq	11H – 13H (2 Saal, 3 Maah)	Yamamah Ki Jang, Qur’an Ko Jama Karna, Bait-Ul-Maal Ka Iftitah	13 Hijri	Madinah – Hujrah-E-Nabawi
2	Hazrat Umar Ibn Al-Khattab	13H – 23H (10 Saal)	Qanooni Nizaam, Aala Idaraat, Shaam, Fars Aur Misr Ki Fateh	23 Hijri (Shaheed)	Madinah – Hujrah-E-Nabawi
3	Hazrat Uthman Ibn Affan	23H – 35H (12 Saal)	Qur’an Ka Ek Mushaf Jama Karna, Tarseel-E-Deen, Masjid-E-Nabawi Ka Wus’a	35 Hijri (Shaheed)	Madinah – Jannat-Ul-Baqi
4	Hazrat Ali Ibn Abi Talib	35H – 40H (5 Saal)	Ilm, Taqwa, Bahaduri, Siffin Aur Nahrwan Ki Jangen, Kharijiyon Ka Fitna	40 Hijri (Shaheed)	Najaf (Iraq) – Masjid-E-Kufa Ke Qareeb

Ahem Nuqaat Aur Tareekhi Kirdaar:

• Hazrat Abu Bakr R.A Pehle Mard Musalmaan, Siddiq Aur Ghar-E-Saur Ke Humsafar.
• Hazrat Umar R.A Ke Dor Mein Islami Saltanat Ne Superpower Rome Aur Persia Ko Shikast Di.
• Hazrat Uthman R.A Ne Qur’an Ka Ek Lahja Jama Karwaya Aur Ittihad Ka Bais Banay.
• Hazrat Ali R.A Ne Ilm Aur Hikmat Ke Sath Fitnon Ka Muqabla Kiya.

Maani Khiz Riwayaat Aur Makhaz:

• Qur’ani Dalil:

  “Wallazina Aamanoo Wa ‘Amilus Saalihaati Sayaj’alu Lahumur Rahmaanu Wudda”
  Surah Maryam: Ayat 96
  (Yeh Ayat Sahaba Ki Maqbooliyat Ki Dalalat Hai)

• Tareekhi Makhaz:

  • Ibn Kathir – Al-Bidayah Wan-Nihayah

  • Imam Tabari – Tareekh-Ul-Umam Wal Mulook

  • Imam Dhahabi – Siyar A’laam An-Nubala

  • Imam Ibn Sa’d – Tabaqat Al-Kubra